چریکهکانی خامۆش!
1
ئازادی وێنهی بارانه!
شوێنی وایه،
خوڕڕهم خوڕڕم داده بارێ،
به بێ زاڵه!
شوێنی واشه،
دڵۆپ دڵۆپ!
له زۆر جێگاش: وشكهساڵه!
2
من بیر له تۆ دهكهمهوه و
تۆش گش هۆشت،
له ساز دانی پاپۆڕێکی قاقهزی یه!
ههبێ و نهبێ،
دهبێ دهریای خۆشهویستی،
زۆر گهوره بێ!
زیندان
جێگای ههر دووكمان زیندانه!
من لهم دیو و
وهردیانم،
لهو دیو شووڵه ئاسنهكانه!
**
من بێداریم ئهشكهنجهیه و
ئهویش بێداری، بێدادی!
خهونهكانی ئهو زیندان و
دیلی ومهرگه!
منیش خهونم،
پڕاوپڕه له ئازادی!
بێدهسهڵاتی
ڕۆژی وایه
ههر به ئهنقهست
چاویلکهکهم
له ماڵهوه بهجێ دێڵم !
تا ههر نهبێ
ئهو ڕۆژهیان
شاد و ئازاد
لێڵ ببینم
ڕووخساری پهیکهری جهللاد !
دیاری
ئاوێنهیهکت بۆ هێنام ؛
ههرچی ههم بوو ،
ببوو به دوو !
پێنووسێکت کرده دیاریم ؛
ههر شێعرێکی که پێم نووسی ،
ههروهک مهلان ،
دایان له شهققهی شاباڵ و
ڕۆیشتن بهرهو ههندهران !
٭٭
جار جار دهبم به ئاوێنه ؛
له شوێن وێنهی تۆ دهگهڕێم ،
ئهی بێ وێنه !
جار جاریش دهبم به پێنووس ؛
ئهوهی دهینووسم ههر خهمه !
باش دهزانم ،
عومری پێنووسی فرهوێژ ،
ئێجگار کهمه !
سپاس بۆ ههموو خوێنهرانی شێعری ک.د.ئازاد! سهردانتان مایهی شانازیمه!بایهخ پێدانه به شێعری ئازاد و بێ بهرگری کوردی!